الحق نفسك قبل المدفع ما يضرب

	الحمد لله والصلاة والسلام على خير خلق الله .. سيدنا محمد بن عبد الله وعلى آله وصحبه ومن والاه .. أما بعد .. طبعا كلنا داخلين على رمضان بإذن الله وكل عام وأنتم بخير .. وعارفين كلنا الجمله المشهورة اللي بتتقال في رمضان .. اقولها ولا فاكرينها .. طيب صلوا عالنبي .. صلى الله عليه وسلم .. تلاقي الناس كلها كل ما حد يكلمهم يتنرفز عليك ويقول لك يعم سيبه في حاله أصله صايم .. تصدق أنا مكنتش عارف إنه صايم !!! وكأن الصيام ده حاجه بتشيط الأعصاب .. بيبوظ الاخلاق .. بيتسبب في سوء المعاملات .. عياذا بالله !!! وطبعا ده كلام ميطلعش من حد بيفهم أبدا .. عاوزين من دلوقتي نبدأ نتدرب على الصيام .. ومع التدرب على الصيام نحاول نحسن من أخلاقنا شويه .. اللي بيتعصب بسرعه يبدأ يكظم غيظه شويه .. وياخد الهدية دي من النبي صلى الله عليه وسلم .. قال صلى الله عليه وسلم : " و من كظم غيظا و لو شاء أن يمضيه أمضاه ملأ الله قلبه رضى يوم القيامة " [ رواه ابن أبي الدنيا وحسنه الألباني ] يعني لما واحد زي حالاتي ينرفزك .. قول له متستاهلش أطلع زهقي فيك .. أنا عاوز ربنا يرضيني يوم القيامة .. وتقول .. اللهم اخزيك يا شيطان يا وحش .. وتعد كده جمب حيطة على جمب كده .. لوحدك خالص .. وتعد تستغفر من ذنوبك اللي بتخليك تتنرفز على الدنيا كلها كده .. يبقى لازم نستعد لرمضان بجد من دلوقتي ونجهز شنطة رمضان .. بس مش شنطة فيها بلح وتمر هندي وقمر الدين وياميش وكنافه وبسبوسه وأم علي وأنا جوعت والله .. الله يسامحكم .. لا مش دي الشنطة اللي هنجهزها .. احنا هنجهز شنطة تانيه خااااالص .. اسمها عدة رمضان .. ربنا عزوجل قال ( ولو أرادوا الخروج لأعدوا له عدة ) .. يعني اللي ناوي يصوم صيام مظبوط ربنا يتقبله منه .. هيبدأ يستعد له قبل ما ييجي .. اشمعنى الامتحان بنذاكر له قبلها بشهر ولا حاجه .. قولنا قبل كده في الموضوع ده .. (((ياخبر أبيض ))) إننا لازم نوازن بين استعدادنا للدنيا واستعدادنا للآخرة .. وده ميزان الصادقين وعلامتهم .. إنه استعداده لآخرته دايما هو الاول وهو اللي مستحوذ على كل تفكيره .. ياترى احنا مستعدين ؟؟ طيب بنفكر نستعد ؟؟ طيب هنفكر إمتى ؟؟ لما العيد ييجي ؟؟ طبعا كلنا فاكرين رمضان اللي فات واللي قبله واللي قبله و..... إلخ .. آخر يوم أعدنا نبكي ونعيط على رمضان .. وهيمشي واحنا مشبعناش منه .. والنوم اللي نمناه وقت التهجد .. وعدم الانتظام في ورد القرآن .. بل تضييع الصلوت أيانا بسبب المطبخ وتجهيز الفطار والسحور .. وده سببه قلة الاستعداد لرمضان .. يبقى من دلوقتي نبدأ نجهز عدة رمضان .. مين هيجهز معانا ؟؟ اللي هيجهز معانا يروح يشتري شنطه طيب ادام دبست نفسك يا فالح يبقى لازم تنفذ الكلام اللي جاي ده .. وإجباري .. هنجمع في الشنطة .. والموضوع ده يساعدك بإذن الله وآدي لي سنين على دا الحال بقاسي المر والأوزار !! ونسينا نتوب منها أصلا .. او توبنا والتوبة قدمت شويتين .. فنجدد التوبة .. بكثرة الندم والبكاء والاستغفار منها .. غفر الله لي ولكم .. ونبدأ نحافظ على السنن كمان .. وصلاة الضحى وصلاة الوتر .. وصلاة ركعتين بعد العشا بنية قيام الليل لو مش هتقدر تصحى بالليل أو هتكسل تصليهم قبل ما تنام .. وأذكار ختام الصلاة .. والأذكار اليومية عموما .. ( كتيب حصن المسلم يفيدك كتير جدا .. لازم تشتريه من أي مكتبه وميفارقش جيبك أبدا ). عشان نتعلم الدعاء وعلى ما ييجي شهر رمضان نكون ادمننا الدعاء فميفوتناش ولا يوم وبإذن الله كل أحلامنا تتحقق . هنبدأ فيه بالتدريج لو في ناس مش ليها ورد ومهمله مع القرآن حبتين تلاته .. نبدأ بصفحة يوميا .. ونزود كل يوم ولو آيه واحده عن اليوم اللي قبله .. على ما ييجي رمضان بإذن الله نكون وصلنا لجزء يوميا بإذن الله .. ونحاول نقرأ تفسير مبسط ( تفسير السعدي مثلا) عشان يعيننا على التدبر .. مش أبقى واقف ورا الإمام وهو بيقرأ والناس بتبكي وأنا أكني في دنيا تانيه .. يبقى قراءة كتاب تفسير كل يوم بعض الآيات .. متثقلش على نفسك .. نحسن من معاملاتنا مع الناس شويه .. ونحاول نتعلم الادب مع الأب والام بالذات .. وطريقة الكلام والمعاملة .. حاسب من دعواتهم عليك .. خاف أوي .. والكلمة أقصدها بالمعنى الحرفي .. عاوزين نكون مدمنين استغفار .. ولو جزء بسيط أسبوعيا مش يوميا .. لحد ما تتعود عليها وعلى رمضان ما يشرفنا تكون بقيت منفق .. ربنا يتقبل يااااااارب .. والأعمال اللي نقدر نتعود عليها من دلوقتي لحد ما الشهر الكريم ينورنا .. متبخلوش علينا بأفكاركم يمكن حد يطبقها وتاخدوا مثل أجره .. اللهم بارك لنا في رجب وشعبان وبلغنا رمضان .. وربنا يرزقنا وإياكم أحلى حياة في طاعة الله أستودعكم الله .. والسلام عليكم ورحمة الله وبركاته .. لدي فكرة بسيطة فى رمضان نحضر كيس صغير أو صندوق ونحط كل يوم صدقة فيه حتى لو جنيه ونخلي اخواتنا واسرتنا يحطوا معانا كل واحد على قد مايقدر حتى لوجنيه يومياً وفى الايام الاخيرة من رمضان نطلع اللى حوشناه ونوزعه على فقراء الحي نضعه فى جميعة خيرية .. واعمال الخير كثيرة والطريقة دى هتعودنا اننا نحب التصدق و نتعود عليه فى كل شهور السنة وليس فى شهررمضان فقط بارك الله فيكم ممكن نتدبر كل يوم أيه ونقرأ تفسيرها ممكن نستطلع بعض أحكام الصيام والزكاه ومايستشكل علينا من أحكام الصيام والزكاه ترقيق القلوب بعياده مريض أو زياره يتيم أو عمل من أعمال البر الدعوة إلى الله ونشر أحكام الصيام بين المسلمين التعود على قيام الليل ولو بركعتين يوميا في انتظار أفكاركم .. متبخلوش علينا لعل واحد يطبقها ويكتب لكم مثل أجره .. قال النبي صلى الله عليه وسلم ( لا تحقرن من المعروف شيئا ولو أن تلقى اخاك بوجه طلق) وقال صلى الله عليه وسلم ( الدال على الخير كفاعله ) .. تقبل الله منا ومنكم صالح الأعمال .. يارب يبقى 30 يوم .. ده كله عشان نغطي على تقصيرنا طول لشهر .. وقلبنا المقصد من رمضان .. بدل ما نقلل من الأكل فيه .. لا فتحنا معلف ( sorry) 1- التوبة بجد مش هزار من كل الذنوب .. 2- تجديد التوبة من الذنوب اللي سيبناها من فترة 3- المحافظة على الصلوات الخمس في جماعه ( قدر الإمكااااااااان) وصلاة الفجر يا جمااااااااااااعه .. 4- المحافظة على اذكار الصباح والمساء .. 5- طبعا ... نثبت ورد دعاء يوميا وبالذات في الايام اللي هنصومها .. 6- ورد قراءة القرآن 7- الاخلاق يا جماعه .. الاخلاااااااااااق .. 8- إدمان الاستغفار في اوقات الفراغ .. 9- حاول تتعود عالصدقة .. 10- يلا وروني مقترحاتكم هو أنا هفضل أتكلم كتير كده

متصفح ا نيق ورآقي بمحتوآه
سلمت يدآك على الانتقآء المميز
بـ نتظـآر آلمزيد من هذا آلفيـض الراآقي
لك كل الود والاحترام

حقاً تستحق التقدير على هذا المجهود الرائع والكبير
موضوع جميل جداً استمتعت به
ننتظر منك المزيد من الابداع
اتمنى لك السعاده والتوفيق..

كالعادة ابداع رائع وطرح يستحق المتابعة

شكراً لك بانتظار الجديد القادم

دمت بكل خير

بارك الله فيك على الموضوع القيم والمميز

وفي انتظار جديدك الأروع والمميز لك

مني أجمل التحيات

وكل التوفيق لك يا رب

شكرا لك على الموضوع الجميل و المفيد ♥

جزاك الله خير على كل ما تقدمه لهذا المنتدى ♥

ننتظر ابداعاتك الجميلة بفارغ الصبر

كالعادة ابداع رائع وطرح يستحق المتابعة

شكراً لك بانتظار الجديد القادم

دمت بكل خير

موضوع في قمة الروعه لطالما كانت مواضيعك متميزة

لا عدمنا التميز و روعة

دمت لنا ودام تالقك الدائم

فيضَ مَنَ الجَمــالْ الَذي سكبتهْ
تِلَكَ الَـأنــاملْ الَاَلمَــاَسيَةَ ..!
طًرّحٌ مٌخملَي ..,
كُلْ شَئَ مختلفْ هُنــا
يعطَيكـً العآفية ..ولـآحرَمنآ منَكـً
بإنتظَآرَجَديِدكًـ بشغفَ

كل الشكـــر لك على هالطرح الأكثــر من رااائــــع ..
لا عدمنا هالتمييز و الابدااع ,,
بأنتظااار جديدك بكل شوق
تقــــديري و آحتــرآمي