ليه الرجل بعد الزواج عكس قبل الزواج ؟

تقريبًا كلنا مقتنعين إن الرجل بعد الجواز كائن لزج سلطعونى بليد ’ مبيعملش حاجة فى حياته غير إنه يقشر برتقال
ويتفرج على الماتشات أو يقعد على القهوة يلعب دومينوا أو طاولة -- وغالبًا الكرش بيجى بعد اول اسبوع جواز =d
أما البنات ففى إجماع على إنها بعد الجواز بتشتغل شبه خدامة " تنضيف وترويق وغسيل ومذاكرة عيال واكل وشرب وشاى بعد الغدا وطبطبة ودلع وبس ياواد وبس يابت ’ بتحس إنها تنين مجنح فاضل شوية ويبخ نار إلخ ....
خلينا نتفق إن أغلب الشعوب من الطبقة اللى طالع عينها ومتمرمطة
والراجل مننا عشان يفكر فى الجواز " وده الغالب " تقريبًا بيكون داخل وهو مخلص شحن
يعنى أنا عشان اتجوز لازم اتخرج من الجامعة وادخل الجيش وبعد كده اشوف شغل عشان اجيب شقة واجهزها وبعدين اخطب وافضل ادفع فى مهر وشبكة وخروجات وهدايا وفسح وافول كلام حلو واطبطب وادلع
ده غير مصاريفى الشخصية وجزء من اللى بدفعه فى البيت الخ من الحاجات الكتير اللى عاوزة إنسان حديدى
فى نفس الوقت البنت فى الفترة دى إلا القليل منهم بتتخرج -- تعيش ملكة وفى الوقت اللى أنا واقف فيه على الحدود بخدم بلدى حضرتها بتبقى قاعدة تأكل فشار وبتتفرج على مسلسلات تركى ’ بعدها ببقى انا طالع عينى عشان اجيب شقة وهى مقلبة ابوها واخوها وبتعمل شويبنج ’ وببقى أنا بفكر هشطب الشقة منين وازاى وايه الشغل المناسب اللى يخلينى اعيش كويس وهى منتظرة عريسها اللى يعملها الفرح فى قاعة خمس نجوم
من الاخر كده فى القترة اللى البنت فيها تقريبًا مبتعملش حاجة إلا ما رحم ربى أنا بكون " ميت من كتر الضغط اللى عليا "
بعد الجواز الرجالة بقى بتكون تقريبًا أنجزت 98 % من الحياة الصعبة
أما البنات فبتبقى انتهت 98 % من حياتهم السعيدة
وكل واحد بقى يعكس الدور =d
الراجل اللى كان طلعان عينه قبل كده بعد الجواز مش عاوز يعمل اى حاجة غير إنه يرتاح -- فيبدأ بعد ما كان مجهوده قبل الجواز 100 % ينزل لــ 50 % اللى هما على قد متطلبات الحياة الجاية وبس
اما البنت فمجهودها اللى كان 50 % او اقل بكتير يعلى لــ 100 % بعد الجواز ’ وهنا يحصل الخلل
تقدروا تقولوا أن الحياة جزئين اللى بيرتاح فى الاول بيطلع عينه فى الجزء التانى
واللى بيطلع عينه فى الجزء الاول بيرتاح فى الجزء التانى -- لكن الرجل مش بيرتاح اوى بصراحة لإن بعد الجواز المسؤولية بتزيد عليه سواء شغل ومصاريف وعيال ورعاية زوجة الخ ’ اه يمكن هو بيرتاح من حاجات كتير وسهل إنه يعملها - زى إنه يساعد زوجته أو يقولها كلمة حلوة ويطيب خاطرها -- لكن المشكلة فى ده بتكون فى عدم الوعى والفهم للجنس الآخر
والست مفيش انكار إنها بيطلع عينها بس غالبًا بتكون عاشت حياة سابقة أكثر رفاهية من الراجل وفى فئة مستثناة لكنها قلة :))