ثابت غلاهم مثل كفي وخمسي

صحيت من نومي على نور شمسي واثره بشاير وجهها واحسبه شمس ثابت غلاهم مثل كفّي وخمسي وقل لي وش كفوفن خلت منهن الخمس لاكاتب حروفن ولا فيك لمسي خسمة حواس ن ضيعت حسة اللمس كني ضرير (ن) بدّل الشوف طمسي وش فايدة عين الى شوفها طمس اشبه لميّت ودعوا وسط رمسي حي ن وميّت وسط الازوال لك رمس لامصبحن صبحن ولا امسيت ممسي في عالم الاحباب ماشفت لي جنس تفرح قبال الناس وبالقلب عمسي لابارك الله فرحة ن غالها العمس كنك سليم ن والوجع فيك غمسي طعونن مع التذكار تزداد في غمس والقلب بن ن فوق نارن تحمسي وسمر ن حدا المحماس يذكي لها الحمس ضجيج ماضينا تخالط بهمسي غريب ياماض ن مضى بس لك همس خذيت انا ادروسي لباكر من امسي خيرن لباكر درسي اليوم يا امس

جميلة الروح معجب بهذا