المقادير
٢/١ كوب طحين كيك منخول ( طحين الكيك : كوبين ونص طحين ونص كوب نشا تخلصينهم مع بعض زين .. بيصير عندج ٣ اكواب من طحين الكيك ) اخذي الكمية اللي تحتاجينها .
١ م . ص بيكنج باودر
١ م . ص ملح
( تنخلين الطحين والبيكنج باودر والملح مع بعض )
٢ م . ك كاكاو بودرة غير محلى تخلطينه مع ربع كوب من اللون الاحمر بيصير عندج صبغة ثقيله من اللون الاحمر ..( انا هالمره حطيت اقل )
اصبع زبدة غير مملحة بحرارة الغرفه
١ ونص كوب سكر
بيضتين
١ م . ص فانيليا
١ كوب لبن على حرارة الغرفه
١ م . ص خل ابيض
١ م . ص بيكنج صودا
الطريقه
تسخنين الفرن على حرارة ١٨٠ .. وتوزعين اوراق الكب كيك
اول شي تخلطين الزبدة والسكر لمدة ٣ دقايق وبعدين تضيفين البيض حبه حبه ثم الفانيلا
وبعدين تحطين الصبغة الحمرا
تحطين ثلث كمية الطحين وبعدها نص كمية اللبن وبعدين ثلث الطحين وعقبها النص الاخير من اللبن وآخر شي الطحين .
اخر خطوه نجيب طاسه ونحط فيها ملعقه البكينج صودا ونضيف الخل ويبدا يفور وتخلط مع خليط الكيك وتخبز في الفرن.
الكريمه
علبة جبن فيلادلفيا بحرارة الغرفه
اصبع زبدة غير مملحه بحرارة الغرفه بعد
٣-٤ اكواب سكر مطحون
١ م. ص فانيليا
تخلطين الزبدة والجبنه مع بعض زين
وآخر شي تضيفين السكر وتخلطين شوي شوي ... تعبين كيس الكريمه وتزين الكيكه وترش بالكاكاو
03-26-2019, 08:06 PM
عضويتي 
كيكة المخمل الأحمر
العرض الشجري